Tara! Sasamahan kita.
Sabay nating lakbayin,
Malalawak na kapatagan;
Sabay nating aakyatin,
Matatayog na kabundukan;
Sabay nating pagmamasdan
Ang buwa’t mga bituin
Sa kalawakan; at
Sabay nating babaybayin,
Kay gandang dalampasigan.
Akin na iyong kamay.
Halina ka na at ating suyurin,
Marikit at misteryosong mundo.
Sa’n mo man naisin mahal na binibini,
Magkasama tayong maglalakbay.
Narito ako para ika’y sundan,
Maging iyong kaagapay
Sa pag-aalinlangan.
Tandaan mo,
Hinding-hindi kita hahayaang
Suyurin ang mundo nang mag-isa.
Proton's Literatura Land 