Poetry – Page 2 – Proton's Literatura Land

Eko

Mas nakakatakot pa sa kamatayan ang pagkabura sa isipan ng kapwa kahit ika’y nabubuhay pa talaga.

Kung hindi ka sa gutom mamatay, tiyak sa sakit ikaw nama’y may paglalagyan.

Kapalit nang pagsasakripisyo alang-alang sa bayang pinagsisilbihan ay hangganan — kamatayan.

Kailan kaya makakalaya mula sa rimarim ng kalungkutang hatid ng hawlang sa akin ay pumipiit.

Sa tamang panahon, kamay moʼy hahawakan ko at hindi na bibitawan pa.

Hindi kita pababayaang maglakbay sa mundo nang mag-isa; sasamahan kita.

Ang pagtangi sayoʼy karapat-dapat sapagkat ikaʼy marapat lang na itangi.

Ikaw lang ang nais na kasayaw sa entablado hanggang sa huli.

Maraming bituin sa kalawakan na matatanaw sa pagsapit ng dilim, ngunit ang aking mga mataʼy nakasulyap lamang saʼyo.

Sa pagkawala ng katotohanan sa hawla nito, handa ba tayo sa nagbabadyang panganib na dala nito?

Design a site like this with WordPress.com